Hindi Shayari- Koi Tumse Pooche Kaun Hoon Main




Koi tumse pooche kaun hoon main
Tum keh dena koi khaas nahi...

Ek dost hai kaccha pakka sa
Ek jhooth hai aadha saccha sa,

Jazbaat ko dhake ek parda bas
Ek bahana koi accha sa,

Jeevan ka aisa saathi hai
Jo paas ho kar bhi pass nahin,
Koi tumse pooche kaun hoon main
Tum keh dena koi khaas nahi...

Ek saathi jo ankahin si
kuch baatein keh jaata hai,
Yaadon me jiska ek dhundhla sa
chehra hi reh jaata hai

Yun toh uske na hone ka
Hai Mujhko kuch gham nahin,
Par kabhi-kabhi aankho se wo
ansu ban ke beh jaata hai

Yuh rehta to mere zehen me hai
aankho ko uski talaash nahi,

Koi tumse pooche kaun hoon main,
Tum keh dena..... KOI KHAAS NAHI....!


2 comments:

  1. Realy very nice, lvd it

    ReplyDelete
  2. what a shyari,,,,,
    best,,,,,,

    ReplyDelete